მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უმრავლესობის წევრების კრიტიკული გამოხმაურება საშობაო ეპისტოლეს
05:40 / 08-01-2014
პრემიერ-მინისტრ ირაკლი ღარიბაშვილის მრჩეველმა თამარ ჩუგოშვილმა "ფეისბუქის" საკუთარ გვერდზე გუშინ საშობაო მილოცვა გაავრცელა, რომელიც პატრიარქის საშობაო ეპისტოლეს ერთგვარი გამოხმაურებაა.
"გილოცავთ შობის დღესასწაულს, მრავალს დაესწარით!
განსაკუთრებით ვულოცავ ხელოვნური განაყოფიერების და სუროგაციის გზით დაბადებულ სრულიად არაჩვეულებრივ პატარებს, მათ ოჯახებს, სუროგატ დედებს, უმცირესობათა ჯგუფის წარმომადგენლებს; ქალებს, რომლებიც, თურმე ვიღაცას უნდა ვემორჩილოთ; გოგონებს, რომლებიც, თურმე ფსევდოკულტურითა და ცრუ თავისუფლებით არიან გატაცებული და ყველა სხვას, ვისაც დღეს გული ეტკინა. დარწმუნებული ვარ, ღმერთს განსაკუთრებულად ვუყვარვართ...
და მიუხედავად იმისა, რომ ბუნებრივი ჩასახვით დაბადებული, ეთნიკურად ქართველი, მართლმადიდებელი, ჰეტეროსექსუალი მამაკაცის გარდა ყველა არასრულფასოვნები გამოვდივართ, მაინც მათაც მრავალ ბედნიერ შობას ვუსურვებ...", - წერს ჩუგოშვილი.
აღსანიშნავია, რომ თამარ ჩუგოშვილი დეპუტატ ზვიად კვაჭანტირაძესთან ერთად, უმრავლესობის ერთ-ერთი წარმომადგენელია, რომელიც პატრიარქის ეპისტოლეს კრიტიკულად გამოეხმაურა.
პატრიარქის საშობაო ეპისტოლეს საპარლამენტო უმრავლესობის წევრი ზვიად კვაჭანტირაძეც გამოეხმაურა. მისი თქმით, არ სჯერა, რომ "ეს ყველაფერი პატრიარქის სურვილით გაჟღერდა".
"უფალო შემინდე! გული მატკინა გუშინდელმა ეპისტოლემ. მნიშვნელოვნად გული მატკინა. არ მჯერა, რომ ეს ყველაფერი პატრიარქის სურვილით გაჟღერდა. ჩვენს ირგვლივ იზრდებიან სუროგატულად ჩასახული არაჩვეულებრივი ბავშვები. იმათ რამე ბრალი მიუძღვით? მედიცინის და პროგრესის წინააღმდეგ თუ მივდივართ მაშინ ჯერ ყველა მეცნიერული პროგრესის წყალობით მოტანილ მატერიალურ სიკეთეებზე გვეთქვა უარი? უფალო შემიწყალე ჩემი ეჭვებისთვის და გაუნათე გზა ჩემს საქართველოს! ქრისტეშობას გილოცავთ ყველას!" - დაწერა კვაჭანტირაძემ "ფეისბუქის" პირად გვერდზე.
პატრიარქმა წლევანდელ ეპისტოლეში ისაუბრა ოჯახზე. ამასთან, დაგმო სექსუალური უმცირესობები, აბორტი და ხელოვნური განაყოფიერება. მისივე თქმით, "ოჯახი, სადაც სუროგატი დედის მიერ დაბადებული ბავშვი იზრდება, ბედნიერი ვერ იქნება".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
