ფოტო: თამაზ მეჭიაურმა არჩევნებში გამარჯვება "კაპოტზე" თითო ჭიქის დალევით" აღნიშნა

"მე გავიმარჯვე პირველივე ტურში, ახლა ვაპირებ აქედან წავიდე და ბიჭებთან ერთად თითო ჭიქა დავლიოთ "კაპოტზე", - ასე გამოეხმაურა თამაზ მეჭიაური, მცხეთის რაიონული სასამართლოს გადაწყვეტილებას და დაპირება მალევე შეასრულა - ვრცელდება ფოტო, რომელზეც ასახულია, როგორ ქეიფობს ყოფილი დეპუტატი და თიანეთის მომავალი მერი "ტოიოტას" მარკის ჯიპის "კაპოტზე" მხარდამჭერებთან ერთად.

შეგახსენებთ, მცხეთის სასამართლოს გადაწყვეტილებით, გაუქმდა საოლქო კომისიის გადაწყვეტილება ბათილი ბიულეტენების ხელახლა გადათვლასა და აღდგენასთან დაკავშირებით, რის შესაბამისადაც, თიანეთის მერის არჩევნებში თამაზ მეჭიაური 1 ხმით იმარჯვებს.

ფოტო: ვასილ დაბრუნდაშვილი

წაიკითხეთ მეტი: სასამართლოს გადაწყვეტილებით არჩევნებში თამაზ მეჭიაური იმარჯვებს - "ვაპირებ წავიდე და ბიჭებთან ერთად ჭიქა დავლიო "კაპოტზე"