"ღმერთმა ევა მეორედ მაჩუქა" - შორენა ბეგაშვილის პირველი კომენტარი ქალიშვილის ინციდენტის შემდეგ
მსახიობი და ტელეწამყვანი შორენა ბეგაშვილი საზოგადოებას მადლობას უხდის. მას შემდეგ, რაც მისი ქალიშვილი კორპუსის მეხუთე სართულიდან გადმოვარდა, შორენა პირველ კომენტარს აკეთებს მომხდარ ინციდენტზე და "ფეისბუქის" პოსტით მადლობას იხდის: "მადლობა ყველას გვერდში დგომისთვის. მადლობა ექიმებს. ღმერთმა ევა მეორედ მაჩუქა", - წერს მსახიობი პირად გვერდზე.
შორენა ბეგაშვილის არასრულწლოვანი ქალიშვილი 26 მარტს კორპუსის მეხუთე სართულიდან გადმოვარდა. იაშვილის კლინიკაში ევა ბარბაქაძეს პირველი ნეიროქირურგიული ოპერაცია ხერხემალზე ჩაუტარდა, რომელიც 9 საათს გაგრძელდა. ოპერაცია იაშვილის კლინიკის ექიმებმა: ნეიროქირურგმა ლადო წიქარიშვილმა და ტრავმატოლოგმა ირაკლი ვარძუკაშვილმა ჩაატარეს. პაციენტს მეორე 4-საათიანი ოპერაცია კიდურებზე ჩაუტარდა და იგი აღნიშნული კლინიკის ტრავმატოლოგებმა: მერაბ ვარძუკაშვილმა და ზურაბ ბერუაშვილმა გააკეთეს. ოპერაციაზე ანესთეზიოლოგი დალი ჟორჟოლიანი იყო.14 წლის ევა ბარბაქაძე ამ დრომდე იაშვილის კლინიკაში რჩება. ჯერჯერობით უცნობია, როდის გაწერენ მოზარდს საავადმყოფოდან.
წაიკითხეთ:
ვინ არიან ექიმები, რომლებმაც ევა ბარბაქაძის სიცოცხლე გადაარჩინეს
"ჩემი ლედი" - ლელა წურწუმიას და "მამულიჩას" ემოციური ფოტო კონცერტის კულისებიდან
ჰააგაში, უძველესი ტაძრის სამრეკლოდან გია ყანჩელის მელოდიები მისი ხსოვნის პატივსაცემად აჟღერდა
