16
ივლისიდღის ზოგადი ასტროლოგიური პროგნოზი
სოციალურ მედიაში დიდი აურზაური გამოიწვია ბიჭუნას ფოტომ, რომელიც მესის პატარა ფანია. ბავშვს სპორტული მაისურის ნაცვლად, პოლიეთილენის პარკი აცვია, რომელსაც მელნით აქვს მიწერილი არგენტინელი ფეხბურთელის გვარი და ნომერი.
ეს არის 5 წლის მურთაზა აჰმადი - ბიჭი, რომელიც ერთ დღეს მსოფლიო მასშტაბით გახდა პოპულარული.
ვინაიდან პატარას მაისურის შესაძენი თანხა არ ჰქონდა, ძმასთან ერთად პოლიეთილენის პარკისგან მაისური გამოჭრა და წარწერა გააკეთა "მესი" . უფროსმა ძმამ პატარას ფოტო გადაუღო, რომელიც სოციალურ ქსელში გავრცელდა და რეაქციამაც არ დააყოვნა. პატარას ძებნა მსოფლიოს მასშტაბით დაიწყეს, მათ შორის ორიგინალური მაისურის პატრონს თავად ფეხბურთის მსოფლიო ვარსკვლავი მესიც ეძებს.
მესიმ პატარა ფანის ფოტო "ტვიტერზე" ატვირთა და გულშემატკივრებს სთხოვა დახმარებოდნენ მის პოვნაში. ფეხბურთელს სურს, რომ პატარას შეხვდეს და საკუთარი მაისური თავად გადასცეს.
ერთი პრობლემა უკვე მოგვარდა. პატარა ფანის ადგილსამყოფელი გაირკვა. ის ავღანეთის ქალაქ ჯაღორში ცხოვრობს. იმედია ამბის გაგძელებას მალე შევიტყობთ.
