მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ირმა ინაშვილი - "ახალმა ხელისუფლებამ ხალხს იმედი გაუცრუა"
12:29 / 19-03-2015
"პატრიოტთა ალიანსის" ერთ-ერთ ლიდერი ირმა ინაშვილი, ზუგდიდში სკოლის მოსწავლეებისთვის ე.წ. წამების კადრების ჩვენების ფაქტს ეხმაურება. განცხადებას ინაშვილი "ფეისბუქის" საკუთარ გვერდზე ავრცელებს.
"ხუთთავიანი გველეშაპი ნიღბებს იხსნის. ხუთიანი რომ სააკაშვილისთვის საკრალური რიცხვი იყო, საიდუმლო არაა. ხალხი ამბობდა,- ხუთთავიანი გველეშაპია და სანამ ხუთივე თავს არ მოჰკვეთ, არ მოგვეშვებაო. ახალმა ხელისუფლებამ ხალხს იმედი გაუცრუა. გველეშაპი გააპარა.მის შვილებს სასათბურე პირობები შეუქმნა. მის თავებს ნიღბის ჩამოცმაშიც დაეხმარა და ხელისუფლების კაბინეტებშიც გადამალა. ჰოდა, ახლა, გველეშაპი ხან სად წამოჰყოფს თავს და ხანაც - სად. მახსენდება ე.წ. კასრების კადრების ჩვენება. წამოიშალნენ გველეშაპისტი პოლიტიკოსები, ჟურნალისტები და ექსეპერტები, არასამთავრობო სექტორის მნათობები და ერთხმად გვეუბნებოდნენ, - არაფრით არ შეიძლება საზოგადოებისათვის ამ კადრების ჩვენებაო. ეს საქმე საზოგადოებას დააზიანებსო. ჩვენ კი, საზოგადოებას ვუფრთხილდებითო. თქვე უღმერთოებო, თქვენ და თქვენმა გველეშაპმა რაც საზოგადოება და ქვეყანა დააზიანა, ამაზე მეტს ვინ ან რა დაგვაზიანებს?! კადრები არავის აჩვენოთო, ამას საზოგადოებისადმი თანაგრძნობა კი არ გალაპარაკებდათ, გველეშაპის გადარჩენისთვის იბრძოდით. მისი ბოროტებანის დაფარვა გსურდათ. არა მხოლოდ ქართველ ხალხს უმალავდით ამ სისაძაგლეს, მსოფლიოსაც უმალავდით. თვითგადარჩენისთვის იბრძოდით. ჰოდა, ახალმა ხელისუფლებაც დაგითმოთ. ე.წ. კასრების კადრები ჯამში ასიოდე კაცს აჩვენა და გაჩერდა. ახალი ხელისუფლების ასეთი უპასუხისმგებლო საქციელი მხოლოდ თქვენი მოთხოვნით არაა განპირობებული. ამას თქვენც ითხოვდით, თქვენი უცხოელი მხარდამჭერებიც და მოქმედი ხელისუფლების რიგებში მოკალათებული და ნიღაბს ამოფარებული გველეშაპის თავებიც. ჰოდა, დღეს ისევ იმ გუბეში ვბანაობთ. "ფეისბუქში" 15 წუთიანი ფილმი გავრცელდა. ფილმი, რომელიც გველეშაპის ბოროტებებს ამხელს. ამთვითვე ვიტყვი, რომ მე არც ამ ფილმის შექმნასთან მაქვს კავშირი და არც მის გავრცელებასთან. ფილმი სოციალურ ქსელში ვნახე. ზომიერია, მაგრამ გველეშაპს ამხელს... და კვლავ წამოიშალნენ გველეშაპისტები. არიქა, ამ ფილმს ბავშვები უყურებენო და ეს მათ ზიანს აყენებსო. გველეშაპისტებო, იცით, რა მაინტერესებს?! თქვენ "ფეისბუქში" რა სიბინძურესაც წერთ... დამონტაჟებულ, ყალბ ფოტოებს ავრცელებთ, ადამიანებს იარლიყებს აკერებთ და ტყუილს სიმართლედ ასაღებთ, როგორ გგონიათ, ეს საზოგადოებას და, უპირველესად, ჩვენს შვილებს არ აზიანებს?! ჩვენგან რომ ითხოვთ, ბავშვებს პირველი კლასიდან სქესობრივი ურთიერთობის საფუძვლები ვასწავლოთო... მამა რომ ერთ დღეს შეიძლება დედა აღმოჩნდეს, მათი გონება ამისთვის მოვამზადოთო... მაინტერესებს, ადამიანების წამება და მოკვლა რომ არ შეიძლება და ეს რომ საერთაშორისო საამართლის ქვაკუთხედია, ეს ბავშვებს არ უნდა ვასწავლოთ?! მაგრამ რეალობა სხვაა. თქვენ არც ბავშვები გაინტერესებთ, არც ქართველი ხალხი და არც საქართველო. თქვენ საკუთარი თავის გადარჩენა გაინტერესებთ, გველეშაპს რომ თავები არ დააჭრან, ეს გაინტერესებთ. ამიტომაც არ გინდათ ამ ფილმის ჩვენება. ამიტომაც აღშფოთდით ასე... და იმდენად აღშფოთდით, რომ "ქართულ ოცნებაში" მოკალათებულ გველეშაპის თავებსაც კი ჩამოხსენით ნიღბები. მოკლედ, ნიღბების ჩამოხსნის დრო დადგა", - წერს ინაშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
თურქეთში ტყის ხანძარს ებრძვიან - ჰათაის პროვინციაში ხანძარი დასახლებულ პუნქტებს მიუახლოვდა, აღნიშნულის გამო კი მოსახლეობის ევაკუაცია განხორციელდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
