"მის კარიერას დასავლეთში წერტილი დაესმებოდა" - მწერალი დიმა ობოლაძეს, რუსების "ღორებად" მოხსენიების გამო, რასიზმში ადანაშაულებს

საფრანგეთში მცხოვრები ქართველი მწერალი და დოკუმენტალისტი პაატა ქურდაძე სოციალურ ქსელში "რუსთავი 2"-ის წამყვანს, დიმიტრი ობოლაძეს აკრიტიკებს. ობოლაძემ მწერლის კრიტიკა პირდაპირ ეთერში რუსების მისამართით გაკეთებული განცხადებით დაიმსახურა, სადაც მან უკრაინაში მომხდარი ავიაკატასტროფის შემდეგ, რუსებს "ღორები"უწოდა (ნახეთ ვიდეო).

"ქართული "ლეგიტიმური" რასიზმი!... ახლა ამ ტიპს ვინმე თბილისელმა ეთნიკურად რუსმა კბილები რომ დაამტვრიოს, ღირსი არ იქნება?... უფლებადამცველები და ქართული ტოლერანტობის კარდინალები რომ ხმას არ ამოიღებენ, ეს ფაქტია, მათი 95% ასევე დარწმუნებულია, რომ ყველა რუსი ღორია... ისე კი თუ მენდობით, ევროპის ნებისმიერ არხს ძალიან ძვირი დაუჯდებოდა ეს ამბავი... ამ ობოლაძის კარიერაზე და იურიდიულ პასუხისმგებლობაზე არაფერს ვამბობ:(...

ჟურნალისტური ქარტია თუ რასიზმსა და შეურაცმყოფელ გამოთქმას შორის განსხვავებას ვერ ხედავს, მომმართონ და უფასო ლექციას ჩავუტარებ. ეს ქსენოფობიასაც კი ცდება. ეს იურისპრუდენციის სფეროა ჩვენს მიერ ასოცირებულ ევროპაში...

ეს მარადული და ძალიან დიდი პრობლემაა მას შემდეგ, რაც ეს ერი არსებობს და პირველ რიგში ეს რუსების პრობლემაა. თუმცა ეს არ გვძლევს ჩვენ უფლებას, მათ ან თუნდაც ნებისმიერ სხვას, ღორები ვუწოდოთ, თორემ რუსეთს კრიტიკა ისევე ნებადართულია, როგორც ნებისმიერი სხვა ქვეყნისა და ერის... მხოლოდ კრიტიკას ტვინი და კულტურა ჭირდება, ბატონ ობოლაძეს კი სავარაუდოდ არც ერთი გააჩნია და არც მეორე.

აჰა გულით კარგი ბიჭ ყოფილა... ქართველისთვის დამახასიათებელი:) მე, როგორც ჩანს, ქართველი არ ვარ, დიმა ობოლაძეა ნამდვილი ქართველი:( ისე ეს "ღორული" წარმოშობის სახელი მაინც შეიცვალოს.... უხერხულია...", - დაწერა მწერალმა.

პაატა ქურდაძის პოსტს აქტიური გამოხმაურება მოჰყვა, მათ შორის დიმიტრი ობოლაძის დამცველი კომენტარები. მწერალმა თემას მეორე პოსტი მიუძღვნა და ტელეკომპანია CNN-ზე მომხდარი ფაქტი გაიხსენა, როდესაც Twitter-ში პირად გვერდზე ებრაელების "ნაბიჭვრებად" მოხსენიების გამო, ჟურნალისტები სამუშაოდ ახლო აღმოსავლეთში გაგზავნეს.

"ეს მათთვის, ვისაც ჩემს გუშინდელ სტატუსში, იმის შესახებ რომ ობოლაძის კარიერას დასავლეთში წერტილი დაესმებოდა ეჭვი შეეპარა. განსაკუთრებით მიაქციეთ ყურადღება, რომ ამერიკელმა კორესპოდენტმა მთელ ისრაელ ხალხს კი არ უწოდა "მერზავცები", არამედ მათ, ვინც დაბომბვას უყურებდა და ხარობდა.. აი, დაახლოვებით როგორც ჩვენი 91-92 წლის მარაზმის დროს რუსთაველზე, ოპერასთან ჩასაფრებული პუბლიკა თავისი აპლოდისმენტებით. თანაც CNN-ის კორესპოდენტმა ტვიტერზე გამოაქვეყნა და არა პირდაირ ეთერში .. Twitter: "Израильтяне на холме у Сдерота (город в Израиле) радуются, видя, как бомбы падают на Газу; угрожают "разбить нашу машину, если я скажу хоть слово неправильно". Мерзавцы", - წერს ქურდაძე.

ნახეთ ვიდეო

იხილეთ ასევე: "რუსეთი ღორების ქვეყანაა!" - დიმა ობოლაძემ პირდაპირ ეთერში ემოციები ვერ შეიკავა