მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შალვა, შენი იაფფასიანი იუმორი პრეზიდენტის აპარტამენტებიდან უფრო რეიტინგული იქნება - ტელეწამყვანი საკუთარი შოუს კრიტიკას აქვეყნებს
02:51 / 20-05-2014
ტელეწამყვანი შალვა რამიშვილი "ფესბუქის" პირად გვერდზე საკუთარი შოუს მიმართ კრიტიკულ აზრს აქვეყნებს, რომლის ავტორიც ჟურნალისტის ერთ-ერთი "ფეისბუქ-ფრენდია". რამდენიმე დღის წინ ტელეწამყვანმა სოციალურ ქსელში მეგობრებს შოუს მიმართ კრიტიკული წერილების გამოქვეყნების თხოვნით მიმართა.
"მოკლედ ჩემი წინადადების არსი შემდეგშია. ვისაც გულწრფელად არ გევასებით... ვისაც არ მოსწონს ჩემი ნახელავი, გთხოვთ რომ ყოველი გადაცემის შემდეგ დაწეროთ გამანადგურებელი კრიტიკა ჩემი შოუსი. ცენზურა არ იქნება. რაც გნებავთ დაწერეთ (უხამსობების გარდა) თქვენ მერე წაიკითხავთ ამ რეცენზიას, ჩვენ ამას გადავიღებთ და გავუშვებთ შოუში. ხელფასი გექნებათ!", - დაწერა შალვამ.
რამიშვილის თხოვნაზე პასუხმაც არ დააყოვნა:
" ლევ ტოლსტოის ჩვენს დროში რომ ეცხოვრა, ქართული ტელევიზიების შემყურე ალბათ ასე იტყოდა:
ყველა ცუდი გადაცემა ერთნირად უვარგისია, ყველა კარგი გადაცემა კარგია განსხვავებულად.
ერთ ცუდ გადაცემაზე მოგახსენებთ, რომელსაც "შალვა რამიშვილის შოუ" ჰქვია.
შალვა რამიშვილს ჯერ კიდევ ცოტა ხნის წინ ქართულ ოცნებასთან მჭიდროდ ასოცირებული ჟურნალისტის იმიჯი რომ არ მოერგო და მხოლოდ მეტელევიზორე ყოფილიყო (ეს ტერმინის მისი მიგნებაა), გასაკრიტიკებელიც არაფერი ექნებოდა ერთი მარტივი მიზეზის გამო: ჩვენი ტელეარხები, მეტი რომ არ შეიძლება, მდარე ხარისხის პროდუქციას გვთავაზობენ და ჩვენც ამ გადაცემასაც მალევე დავივიწყებდით. მაგრამ მეხსიერება, მოგეხსენებათ, საშიში რამაა და ვისაც ჯერ კიდევ ახსოვს პოლიტიკით დაინტერესებული შალვა, მოელოდა, რომ თუნდაც ჩვენი პოლიტიკოსების ინტელექტის შესაფერისს გადაცემას ვიხილავდით. სამწუხაროდ, ეს შოუ სხვა არაფერია, თუ არა ასჯერ ნანახის გადამღერება. არადა, ამ კაცს, აქვს ამბიცია, რომ ყველაფრის კეთება ერთნაირად კარგად შეუძლია - დარდუბალადან დაწყებული, პრეზიდენტის უკეთ წარმოჩენით დამთავრებული.
რით გამსხვავდება "შალვა რამიშვილის შოუ" სხვა შოუებისგან? აბსოლუტურად არაფრით და ჯერჯერობით სწორედ იმ სტანდარტებით ხელმძღვანელობს, რაც თავის დროზე დავით გოგიჩაიშვილმა დაამკვიდრა:
მონოლოგი (შალვას შემთხვევაში კიდევ უფრო გაწელილი), ბენდი, სადაც (გვარი არ ვიცი, ვანოს შოუს ბენდის ხელომძღვანელის) ნაცვლად ფორჩხიძე ვიხილეთ, ლამაზი, მაგრამ ტლანქი ქალწული და უკვე მოყირჭებული ცნობილი პერსონაჟებით.
არადა, შალვა რამიშვილმა პირველივე გადაცემაში გაგვიმხილა, რომ ის ტელევიზიის ნარკომანია, ნარკომანია კი, ძვირფასო შალვა, ქრონიკული დაავადებაა და თუ დიდხნიანი რემისის მიღწევა გინდა, ჩანაცვლებითი თერაპიის კურსი უნდა გაიარო. ასე რომ, როგორც ნარკომანს სჭირდება ექიმი-ნარკოლოგი, ისე სჭირდება ამ შოუს პროფესიონალებით დაკომპლექტებული გუნდი. მაგალითად, წინა გადაცემაში წამყვანმა ისეთი სტუმრები შეარჩია, რომელთა ბიოგრაფიებიც რაღაცით წააგავს შალვა რამიშვილისას და ამ იაფასიანი ტრიუკით ეცადა მაყურებლის გახალისებას.
მკითხავთ, რით ჰგავს გოგა ხაინდრავა შალვა რამიშვილს? გპასუხობთ: ორივე, ასე ვთქვათ, შემოქმედი ადამიანია (გნებავთ კრეატიული, როგორც ახლა იტყოდნენ) და ორივე, მეტი რომ არ შეიძლება, ისე გაიტაცა პოლიტიკამ. რაც მთავარია, ორივე ციხეშია ნაჯდომი. მართალია, ხაინდრავა პოლიტიკური ნიშნით იყო დაპატიმრებული, ხოლო შალვა არალეგალური ლიტერატურის გავრცელებისთვის არ დაუჭერიათ, მაგრამ ციხე ყველასთვის ერთნაირად გაუსაძლისია. ამისდა მიუხედავად, რამდენჯერ შეიძლება ხაინდრავასთან დაკავშირებით ჯაშუშობის თემაზე ვიცინოთ? რაიმე ახალი გაიგეთ? მე ვერაფერი ისეთი, რაც მანამადე არ გამეგოს. მეორე სტუმარი დუტა სხირტლაძე გახლდათ და აქაც იგივე, რაც ასევე მრავლად გვაქვს მოსმენილი სხვადახვა გადაცემებში: რომ უთოსაც თუ ჩართავ, იქაც დუტა დაგვიხვდება და ა.შ. დავით გოგიჩაიშვილის შოუს, თუ გახსოვთ, ქალბატონი ნანულის სკეტჩები გასდევდა ლაიტმოტივად. შალვასთან - ეს ბატონი დემურია, რომელიც ერთგვარი კარიკატურაა ჩვენი პოლიტიკოსების, ოღონდ - "სოფლელი" პოიტიკოსების. და ბატონი დემურიც, რომელიც წინა ცხოვრებაში ზვიო იყო, ისევ იგივეს იმეორებს, რასაც სხვა დანარჩენი კომიკური პერსონაჟები ჩვენს ტელესივრცეში.
ასე რომ, შალვა, კარგი იქნება, ისევ პრეზიდენტის რეზიდენციას თუ დაუბრუნდები - სხვა თუ არაფერი, იაფფასიანი იუმორი პრეზიდენტის აპარტამენტებიდან უფრო რეიტინგული იქნება, ვიდრე ეს პამპულაობა, რომელსაც შოუ დაარქვი".
იხილეთ ასევე: შალვა რამიშვილი - "დამგმეთ, ოღონდ უფრო ნიჭიერად და მრავალფეროვნად"
შალვა რამიშვილის უხამსი ხუმრობის შემდეგ ინგა გრიგოლია კოლეგებს მადლობას უხდის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
