"ჭიკაიძე კრიმინალურ ვითარებას ვერ აკონტროლებს" - ნანუკა ჟორჟოლიანის პირველი კომენტარი დავით კოდუას ცემის ფაქტზე

ერეკლე კოდუას მეუღლე, ტელეწამყვანი ნანუკა ჟორჟოლიანი "ფეისბუქის" პირად გვერდზე დავით კოდუაზე თავდასხმის დეტალებს ჰყვება.

"დღეს, დღის 15:00 საათისთვის, აბაშიძეზე, დათო კოდუამ ( ერეკლეს ძმამ) სალონში წაიყვანა 4 წლის ბავშვი თმების შესაჭრელად. მას ტელეფონზე დაურეკეს, გარეთ გავიდა და შუა ბარნოვზე თავს დაესხა 4 ნიღბიანი შეიარაღებული პირი. გათიშეს ელექტროშოკებით და შემდეგ ცემეს! ჯანმრთელობის მდგომარეობა ძალიან მძიმეა. ის რეანიმაციულში გადაიყვანეს! ინფორმაციის მედიაში გავრცელება მალევე დაიწყო შსს-მ! ან უნდა დავიჯეროთ, რომ დათო კოდუას საცემად ინაპლანეტელები ჩამოვიდნენ ან შსს-მ უნდა აღიაროს რომ შუა ქალაქში თავისუფლად გადაადგილდება შეიარაღებული ბანდ ფორმირება და ჭიკაიძე კრიმინალურ ვითარებას ვერ აკონტროლებს!!!! არის მესამე ვერსიაც.....!

ყველას შავები ეცვა! შავი ქუდებით! ძიძამ დახმარება როდესაც სცადა ერთმა უთხრა ადგილს შეიცვლი და დაგცხრილავო! იარაღისკენ წაიღო ხელი. ეს იყო ერთადერთი, რომელსაც ნიღაბი არ ეკეთა და ძიძა ამბობს რომ

ამოცნობას შეძლებს!", - წერს ჟორჟოლიანი.

შეგახსენებთ, დღეს ბიზნესმენ დავით კოდუას თბილისში, აბაშიძის ქუჩაზე ნიღბიანებმა სცემეს.

იხილეთ ასევე: ერეკლე კოდუას ძმა საავადმყოფოში ნაცემი მიიყვანეს - დავით კოდუას ახლობლები თავდასხმის დეტალებზე