კომაში მყოფმა ქალმა ბავშვი გააჩინა

უნგრეთში ბავშვი გაუჩნდა ქალს, რომელიც მშობიარობამდე რამდენიმე თვით ადრე კომაში ჩავარდა. 

სამედიცინო კვლევითი ცენტრის ხელმძღვანელის, დებრეცენ ბელი ფურედის თქმით, 31 წლის ქალის ტვინი ორსულობის მე-15 კვირას გაითიშა. ექიმებმა იგი აპარატზე შეაერთეს, რომ ბავშვისთვის ზრდისა და დაბადების შესაძლებლობა მიეცათ.

ბიჭუნა დედის კომაში ჩავარდნიდან 92 დღის შემდეგ სრულიად ჯანმრთელი დაიბადა. "იგი ორსულობის 27-ე კვირას დაიბადა, 1,42 კილოგრამს იწონიდა, მაგრამ ჯანმრთელი იყო,"- ამბობს ფურედი.

ბავშვის გაჩენის შემდეგ ბიჭუნას დედა აპარატიდან გამორთეს. ახალშობილს ქალის ახლობლები გაზრდიან.

მომზადებულია France Presse-ის მიხედვით.