"თქვენ შე­გიძ­ლი­ათ მა­ი­ძუ­ლოთ გა­ჩუ­მე­ბა, მაგ­რამ ეს დუ­მი­ლი ძა­ლი­ან ძვი­რი და­გიჯ­დე­ბათ, თქვენ გა­მო­ი­ჩი­ნეთ ბარ­ბა­რო­სო­ბა და სი­სას­ტი­კე, რა­შიც ყო­ველ­თვის გა­და­ნა­შა­უ­ლებ­დნენ კრი­ტი­კო­სე­ბი, თქვენ ყვე­ლას და­ა­ნა­ხეთ, რომ პა­ტივს არ სცემთ სი­ცო­ცხლეს, თა­ვი­სუფ­ლე­ბას და ცი­ვი­ლი­ზე­ბუ­ლი სა­ზო­გა­დო­ე­ბის სხვა ღი­რე­ბუ­ლე­ბებს, თქვენ შე­გიძ­ლი­ათ აი­ძუ­ლოთ, გა­ჩუმ­დეს ერთი ადა­მი­ა­ნი, მაგ­რამ მსოფ­ლი­ოს პრო­ტეს­ტის ხმა, ბა­ტო­ნო პუ­ტინ, მთე­ლი ცხოვ­რე­ბის მან­ძილ­ზე ჩა­გეს­მე­ბათ ყურ­ში. დაე, უფალ­მა მო­გი­ტე­ვოთ, რაც გა­მი­კე­თეთ მე, ჩემს რუ­სეთს და ხალ­ხს."

ალექ­სან­დრ ლიტ­ვი­ნენ­კო (უკა­ნას­კნე­ლი სი­ტყვე­ბი)

2006 წელს 23 ნო­ემ­ბერს 21.21 სა­ათ­ზე, ლონ­დო­ნის სა­უ­ნი­ვერ­სი­ტე­ტო კო­ლე­ჯის სა­ა­ვად­მყო­ფო­ში გარ­და­იც­ვა­ლა ФСБ-ს ყო­ფი­ლი ოფი­ცე­რი ალექ­სან­დრ ლიტ­ვი­ნენ­კო.

სა­ზო­გა­დო­ე­ბის­თვის ლიტ­ვი­ნენ­კო ცნო­ბი­ლი მა­შინ გახ­და, რო­დე­საც 1999 წელს, პირ­და­პი­რი ეთე­რით, თა­ვის ოთხ თა­ნამ­შრო­მელ­თან ერ­თად სკან­და­ლუ­რი გან­ცხა­დე­ბა გა­ა­კე­თა, მან აღი­ა­რა რომ ФСБ ბიზ­ნეს­მენ ბო­რის ბე­რე­ზოვ­სკის მკვლე­ლო­ბას გეგ­მავ­და. მოგ­ვი­ა­ნე­ბით მის­მა გან­ცხა­დე­ბამ - მოს­კო­ვი­სა და რი­ა­ზა­ნის სა­ცხოვ­რე­ბე­ლი კორ­პუ­სე­ბის აფეთ­ქე­ბის უკან ФСБ დგა­სო, რუ­სე­თი შოკ­ში ჩა­აგ­დო. 2001 წელს გა­მო­ვი­და მისი წიგ­ნი, "ФСБ აფეთ­ქებს რუ­სეთს". ლიტ­ვი­ნენ­კო წერ­და, რომ ტე­რაქ­ტე­ბი მოს­კოვ­სა და რი­ა­ზან­ში პუ­ტინს ჩეჩ­ნეთ­ში მე­ო­რე სა­ო­მა­რი კამ­პა­ნი­ის და­სა­წყე­ბად სჭირ­დე­ბო­და, წიგ­ნი ბესტსე­ლე­რად იქცა. ლიტ­ვი­ნენ­კო იძუ­ლე­ბუ­ლი გახ­და, დიდი ბრი­ტა­ნე­თის­თვის ეთხო­ვა პო­ლი­ტი­კუ­რი თავ­შე­სა­ფა­რი. ის ოჯახ­თან ერ­თად ლონ­დონ­ში ცხოვ­რობ­და და ბე­რე­ზოვ­სკის ფონ­დის და­ფი­ნან­სე­ბით და­მო­უ­კი­დე­ბელ გა­მო­ძი­ე­ბას ეწე­ო­და.

ალექ­სან­დრ ლიტ­ვი­ნენ­კო სიკ­ვდი­ლამ­დე ერთი დღით ადრე მის­მა მე­გო­ბარ­მა, კი­ნო­რე­ჟი­სორ­მა ან­დრეი ნეკ­რა­სოვ­მა (ავ­ტო­რი ფილ­მი­სა "რუ­სუ­ლის გაკ­ვე­თი­ლე­ბი") ინა­ხუ­ლა. "პა­ლა­ტა­ში რომ შე­ვე­დი, თავ­ზა­რი და­მე­ცა: ჯერ კი­დევ ორი-სამი კვი­რის წინ ჯან­მრთე­ლი და ენერ­გი­უ­ლი ადა­მი­ა­ნი სა­კონ­ცენ­ტრა­ციო ბა­ნა­კის ტყვეს ჰგავ­და. თმა გასცვე­ნო­და, ძვალ­ტყა­ვად ქცე­უ­ლი მხო­ლოდ ტუ­ჩებს ამოძ­რა­ვებ­და - ლა­პა­რა­კი აღარ შე­ეძ­ლო. რამ­დე­ნი უბე­დუ­რე­ბა არ მი­ნა­ხავს რუ­სეთ­სა და ჩეჩ­ნეთ­ში, მაგ­რამ ეს ყვე­ლა­ზე სა­ში­ნე­ლი და­ნა­შა­უ­ლი გახ­ლდათ. ეს იყო ადა­მი­ა­ნის ნელი და სა­დის­ტუ­რი მკვლე­ლო­ბა. საშა რამ­დე­ნი­მე სა­ა­თი ცდი­ლობ­და, რამ­დე­ნი­მე სი­ტყვა ეთ­ქვა."მერე გა­ჭირ­ვე­ბით ამოთ­ქვა: "მე მო­მი­ხელ­თეს, მაგ­რამ ყვე­ლას ვერ მო­გი­ხელ­თე­ბენ", - იხ­სე­ნებს ნეკ­რა­სო­ვი.

2006 წლის 7 ოქ­ტომ­ბერს მოს­კოვ­ში მოკ­ლეს ჟურ­ნა­ლის­ტი ანა პო­ლიტ­კოვ­სკა­ია, რო­მე­ლიც წლე­ბის გან­მავ­ლო­ბა­ში ჩეჩ­ნეთ­ში რუ­სულ სი­სას­ტი­კეს აკ­რი­ტი­კებ­და. ჟურ­ნა­ლის­ტის მკვლე­ლო­ბამ დიდი ვნე­ბა­თა­ღელ­ვა გა­მო­იწ­ვია რუ­სეთ­სა და ევ­რო­პა­ში. სა­ზო­გა­დო­ე­ბა ამა­ში ხე­ლი­სუფ­ლე­ბის კვალს ხე­დავ­და, ობი­ექ­ტურ გა­მო­ძი­ე­ბას და დამ­კვე­თე­ბის დას­ჯას ითხოვ­და. ბოლო გა­მო­ძი­ე­ბა, რო­მელ­საც ალექ­სან­დრ ლიტ­ვი­ნენ­კო აწარ­მო­ებ­და, სწო­რედ ანა პო­ლიტ­კოვ­სკა­ი­ას მკვლე­ლო­ბა იყო.

2006 წლის ოქ­ტომ­ბრის ბო­ლოს ლიტ­ვი­ნენ­კოს ლონ­დონ­ში ტე­რო­რიზ­მი­სა და სა­ი­დუმ­ლო ოპე­რა­ცი­ე­ბის ექ­სპერ­ტი, იტა­ლი­ე­ლი მა­რიო კა­რა­მე­ლა და­უ­კავ­შირ­და (ისი­ნი ადრე ერ­თად მუ­შა­ობ­დნენ იტა­ლი­ა­ში) - ხელთ ჩა­მი­ვარ­და მნიშ­ვნე­ლო­ვა­ნი დო­კუ­მენ­ტე­ბი, რო­მელ­შიც პო­ლიტ­კოვ­სკა­ი­ას მკვლე­ლე­ბის გვა­რე­ბი­ცაა მი­თი­თე­ბუ­ლიო. შეხ­ვედ­რა 1-ელ ნო­ემ­ბერს, ლონ­დონ­ში, სუში-ბარ­ში შედ­გა. რამ­დე­ნი­მე სა­ა­თის შემ­დეგ ლიტ­ვი­ნენ­კომ თავი ცუ­დად იგ­რძნო. ის სა­ა­ვად­მყო­ფო­ში გა­და­იყ­ვა­ნეს.

11 ნო­ემ­ბერს სა­ა­ვად­მყო­ფო­ში მან გა­ნა­ცხა­და, - მომ­წამ­ლე­სო. ჯან­მრთე­ლო­ბის მდგო­მა­რე­ო­ბის გა­უ­ა­რე­სე­ბის გამო სა­უ­ნი­ვერ­სი­ტე­ტო კლი­ნი­კა­ში გა­და­იყ­ვა­ნეს და შე­ი­ა­რა­ღე­ბუ­ლი პო­ლი­ცი­ე­ლე­ბი და­უ­ყე­ნეს მცვე­ლე­ბად. ექი­მე­ბი ვა­რა­უ­დობ­დნენ, რომ პა­ცი­ენ­ტი, სა­ვა­რა­უ­დოდ, ძლი­ერ­მოქ­მე­დი შხა­მი­ა­ნი ნივ­თი­ე­რე­ბით (ტა­ლი­უ­მი) იყო მო­წამ­ლუ­ლი.

20 ნო­ემ­ბერს ლიტ­ვი­ნენ­კო რე­ა­ნი­მა­ცი­ა­ში გა­და­იყ­ვა­ნეს. ექი­მე­ბი სა­გო­ნე­ბელ­ში ჩაც­ვივ­დნენ - პა­ცი­ენ­ტის მდგო­მა­რე­ო­ბა სწრა­ფად მძიმ­დე­ბო­და. არა­და, ჩვე­უ­ლებ­რივ ტა­ლი­უ­მით მო­წამ­ვლა მკურ­ნა­ლო­ბას ექ­ვემ­დე­ბა­რე­ბა. 23 ნო­ემ­ბერს პა­ცი­ენ­ტის მდგო­მა­რე­ო­ბა კრი­ტი­კუ­ლი გახ­და, ღა­მით ექი­მებ­მა გა­ნა­ცხა­დეს, რომ ლიტ­ვი­ნენ­კო გარ­და­იც­ვა­ლა, მაგ­რამ სიკ­ვდი­ლის მი­ზე­ზი ვერ და­ა­სა­ხე­ლეს. გაჩ­ნდა ეჭვი, რომ მო­წამ­ვლა რა­დი­ა­ცი­უ­ლი ხა­სი­ა­თი­სა იყო. გვა­მის გაკ­ვე­თას ბრი­ტა­ნე­თის ცნო­ბი­ლი სპე­ცი­ა­ლის­ტე­ბი ეს­წრე­ბოდ­ნენ. მათ სპე­ცი­ა­ლუ­რი, სკა­ფან­დრის მსგავ­სი რა­დი­ა­ცი­ი­სა­გან დამ­ცა­ვი კოს­ტი­უ­მე­ბი ეც­ვათ. გვა­მის გაკ­ვე­თამ სენ­სა­ცი­უ­რი შე­დე­გი აჩ­ვე­ნა - გარ­დაც­ვლი­ლის ორ­გა­ნიზ­მში ძალ­ზე ძლი­ერ­მოქ­მე­დი რა­დი­ა­ცი­უ­ლი ნივ­თი­ე­რე­ბის, "პო­ლო­ნი­უმ-210"-ის ის რა­ო­დე­ნო­ბა აღ­მოჩ­ნდა, რომ­ლის ღი­რე­ბუ­ლე­ბა 30 მლნ ევ­როა. სპე­ცი­ა­ლის­ტებ­მა ლიტ­ვი­ნენ­კოს მკვლე­ლო­ბა ის­ტო­რი­ა­ში ყვე­ლა­ზე ძვი­რად ღი­რე­ბუ­ლად აღი­ა­რეს.

ლიტ­ვი­ნენ­კოს გარ­დაც­ვა­ლე­ბის შემ­დეგ, ინ­გლი­სის პრე­მი­ერ-მი­ნის­ტრის გა­და­წყვე­ტი­ლე­ბით, კო­მი­ტე­ტი ჩობ­რა შე­იკ­რი­ბა სა­გან­გე­ბო თათ­ბირ­ზე, რო­მელ­შიც შე­დი­ან დიდი ბრი­ტა­ნე­თის სპეც­სამ­სა­ხუ­რე­ბი­სა და პო­ლი­ცი­ის უმაღ­ლე­სი ხელ­მძღვა­ნე­ლე­ბი, რამ­დე­ნი­მე მი­ნის­ტრი (კო­მი­ტე­ტი მხო­ლოდ გან­სა­კუთ­რე­ბულ შემ­თხვე­ვებ­ში იკ­რი­ბე­ბა). ლიტ­ვი­ნენ­კოს საქ­მის გა­მო­ძი­ე­ბა დიდი ბრი­ტა­ნე­თის ღირ­სე­ბის სა­კი­თხად იქცა.

ალექ­სან­დრ ლიტ­ვი­ნენ­კოს გარ­დაც­ვა­ლე­ბის­თა­ნა­ვე მკვლე­ლო­ბის შემ­კვე­თე­ბად პუ­ტი­ნი და რუ­სე­თის ხე­ლი­სუფ­ლე­ბა და­სა­ხელ­და. ამ ვერ­სი­ის სის­წო­რე­ში ეჭვი არც ლიტ­ვი­ნენ­კოს მე­გობ­რებს, მათ შო­რის ბო­რის ბე­რე­ზოვ­სკის, ეპა­რე­ბო­დათ. რუ­სე­თის ხე­ლი­სუფ­ლე­ბა ბრალ­დე­ბე­ბის უარ­ყო­ფას ცდი­ლობ­და და ამ­ტკი­ცებ­და, რომ ლიტ­ვი­ნენ­კოს მკვლე­ლო­ბა­ში ჩეჩ­ნურ კვალს ხე­დავ­და. ლიტ­ვი­ნენ­კოს ყო­ფი­ლი კო­ლე­გე­ბი რუ­სეთ­ში აცხა­დებ­დნენ, რომ 1996 წელს ჩეჩ­ნეთ­ში მე­ამ­ბო­ხე­თა ჯგუ­ფის ლიკ­ვი­და­ცი­ი­სას ლიტ­ვი­ნენ­კოს და­ე­ვა­ლა ერთ-ერთი ცნო­ბი­ლი "ბო­ე­ვი­კის" ბად­რა­გი­რე­ბა. რო­გორც აღ­მოჩ­ნდა, მან იგი გზა­ში წა­მე­ბით მოკ­ლა. ამის გამო ჩეჩ­ნე­ბი მას შუ­რის­ძი­ე­ბით ემუქ­რე­ბოდ­ნენ. რუ­სუ­ლი ვერ­სია იმ­დე­ნად უსუ­სუ­რი იყო, რომ მას სკოტ­ლენდ-იარ­დი არ და­ე­თან­ხმა.

გა­მო­ძი­ე­ბი­სას ცნო­ბი­ლი გახ­და, რომ ლიტ­ვი­ნენ­კოს 1-ელ ნო­ემ­ბერს კი­დევ ერთი შეხ­ვედ­რა ჰქონ­და სას­ტუმ­რო "მი­ლე­ნი­უმ­ში" ყო­ფილ კო­ლე­გებ­თან - ბიზ­ნეს­მენ ან­დრეი ლუ­გო­ვო­ის­თან (ტე­ლე­არხ JHN-ს ყო­ფი­ლი დაც­ვის უფ­რო­სი) და სერ­გეი კოფ­ტუნ­თან. სიკ­ვდი­ლამ­დე ცოტა ხნით ადრე თა­ვად ლიტ­ვი­ნენ­კომ გა­იხ­სე­ნა, ის სას­ტუმ­როს მე­ო­თხე სარ­თულ­ზე ავი­და, სა­დაც მის კო­ლე­გებ­თან ერ­თად იმ­ყო­ფე­ბო­და კი­დევ ერთი უცხო მა­მა­კა­ცი, რო­მელ­მაც მას ჩაი მო­უ­ტა­ნა. ლიტ­ვი­ნენ­კოს უც­ნა­უ­რად მო­ეჩ­ვე­ნა, რომ ჩა­ი­და­ნი, რო­მელ­საც ის უნებ­ლი­ეთ შე­ე­ხო, ოდ­ნავ თბი­ლი იყო, მაგ­რამ რო­დე­საც ჩაი ფინ­ჯან­ში და­ის­ხა, თით­ქმის დუღ­და (წყა­ლი "პო­ლო­ნი­უმ­მა" აა­დუ­ღა). მოგ­ვი­ა­ნე­ბით, ბრი­ტა­ნე­თის პო­ლი­ცი­ამ უც­ნო­ბის (სა­ვა­რა­უ­დო მკვლე­ლის) პორ­ტრე­ტიც მი­ი­ღო - ის ჰამ­ბურ­გი­დან ჩა­მოფ­რე­ნი­სას ლონ­დო­ნის აე­რო­პორ­ტის კა­მე­რებ­მა და­ა­ფიქ­სი­რეს. ბრი­ტა­ნე­თის პო­ლი­ცია რუ­სეთს ამა­ოდ სთხოვ­და ან­დრეი ლუ­გო­ვო­ის გად­მო­ცე­მას, ორი­ოდ თვე­ში ვნე­ბა­თა­ღელ­ვა ლიტ­ვი­ნენ­კოს საქ­მის გარ­შე­მო ჩა­ცხრა.

2007 წლის თე­ბერ­ვალ­ში ამე­რი­კულ­მა ტე­ლე­არ­ხმა, ნბს-მა, გა­და­ცე­მა­ში, რო­მე­ლიც ლიტ­ვი­ნენ­კოს საქ­მეს ეძღვნე­ბო­და, მო­იწ­ვია ამე­რი­კის სე­ნა­ტის უშიშ­რო­ე­ბი­სა და დაზ­ვერ­ვის კო­მი­ტე­ტის ექსდი­რექ­ტო­რი პოლ ჯო­ი­ა­ლი (ის ერთხანს "ვარ­დე­ბის რე­ვო­ლუ­ცი­ის" შემ­დეგ სა­ქარ­თვე­ლოს პარ­ლა­მენ­ტის თავ­დაც­ვი­სა და უშიშ­რო­ე­ბის კო­მი­ტე­ტის მრჩე­ვე­ლიც იყო), მას­თან ერ­თად ინ­გლი­სე­ლი ჟურ­ნა­ლის­ტი და­ნი­ელ მაკ­რო­რი. სტუმ­რებ­მა ლიტ­ვი­ნენ­კოს მკვლე­ლო­ბა­ში კრემლს დას­დეს ბრა­ლი, გა­და­ცე­მი­დან ერთ კვი­რა­ში პოლ ჯო­ი­ა­ლი სა­კუ­თა­რი სახ­ლის წინ ჩა­ცხრი­ლეს, ხოლო ინ­გლი­სე­ლი ჟუUრნა­ლის­ტი "მო­უ­ლოდ­ნე­ლად" გუ­ლის შე­ტე­ვით გარ­და­იც­ვა­ლა.

2008 წელს ეს­პა­ნე­თის სა­მარ­თალ­დამ­ცა­ვებ­მა გა­ა­კე­თეს გან­ცხა­დე­ბა, რომ ლიტ­ვი­ნენ­კოს საქ­მე­ში აღ­მო­ჩე­ნი­ლია ახა­ლი დე­ტა­ლე­ბი, რომ­ლე­ბიც ქარ­თულ კვალ­ზე მი­უ­თი­თებს.(?!)

90-იანი წლე­ბის ბო­ლოს ეს­პა­ნეთ­ში ფეხი მო­ი­კი­დეს რუ­სე­თი­დან წა­სულ­მა კრი­მი­ნა­ლურ­მა ავ­ტო­რი­ტე­ტებ­მა, რომ­ლებ­მაც ეს­პა­ნეთ­ში ლე­გა­ლუ­რი სამ­შე­ნებ­ლო ბიზ­ნე­სი წა­მო­ი­წყეს. გახ­სნეს იტა­ლი­უ­რი რეს­ტორ­ნე­ბის ქსე­ლი და არა­ლე­გა­ლე­ბის და­საქ­მე­ბა და­ი­წყეს. ეს­პა­ნე­თის პო­ლი­ცი­ამ, რო­მელ­საც არ უნ­დო­და ქვე­ყა­ნა­ში კრი­მი­ნა­ლუ­რი ფუ­ლის ინ­ვეს­ტი­რე­ბა მომ­ხდა­რი­ყო, და­ი­წყო სა­ტე­ლე­ფო­ნო მოს­მე­ნე­ბი. მი­ღე­ბუ­ლი ინ­ფორ­მა­ცია მრა­ვალ­ფე­რო­ვა­ნი გა­მოდ­გა.

ეს­პა­ნე­თის სა­მარ­თალ­დამ­ცა­ვებს სჭირ­დე­ბო­დათ კონ­სულ­ტან­ტი, რო­მე­ლიც კარ­გად იც­ნობ­და რუ­სე­თის და ზო­გა­დად პოსტსაბ­ჭო­უ­რი სივ­რცის ორ­გა­ნი­ზე­ბულ და­ნა­შა­ულს, ინ­გლი­სურ­მა სპეც­სამ­სა­ხუ­რებ­მა რე­კო­მენ­და­ცია ალექ­სან­დრ ლიტ­ვი­ნენ­კოს გა­უ­წი­ეს. სწო­რედ ლიტ­ვი­ნენ­კოს დახ­მა­რე­ბით მოხ­და 2006 წლის აგ­ვის­ტო-სექ­ტემ­ბერ­ში შაქ­რო კა­ლა­შო­ვის ფუ­ლის გა­თეთ­რე­ბის სქე­მის გა­შიფვ­რა და სპე­ცო­პე­რა­ცია OCCA-ს და­გეგ­მვა-ჩა­ტა­რე­ბა, OCCA-მ თით­ქმის გა­კოტ­რე­ბის პი­რამ­დე მი­იყ­ვა­ნა ტა­რი­ელ ონი­ა­ნის დე­ვე­ლო­პე­რუ­ლი ბიზ­ნე­სი, რო­მე­ლიც ასე­უ­ლო­ბით მლნ დო­ლა­რი ღირ­და.

რამ­დე­ნი­მე ცნო­ბილ­მა სამ­შე­ნებ­ლო ბრენდმა საქ­მი­ა­ნო­ბა სა­ერ­თოდ შე­წყვი­ტა, ზა­რა­ლი 800 მლნ დო­ლარს შე­ად­გენ­და, გარ­და ამი­სა, სპე­ცო­პე­რა­ცი­ის დროს და­ა­კა­ვეს 100 ქარ­თვე­ლი არა­ლე­გა­ლი მშე­ნე­ბე­ლი, აგ­რეთ­ვე ონი­ა­ნის 12 წლის ქა­ლიშ­ვი­ლი, რო­მელ­საც კარ­გა ხნით ბავ­შვთა ე.წ. სახ­ლში მო­უ­წია ყოფ­ნამ. ლიტ­ვი­ნენ­კოს და ონი­ა­ნის ინ­ტე­რე­სე­ბი მა­ნამ­დე იტა­ლი­ა­ში გა­და­იკ­ვე­თა, რო­დე­საც იტა­ლი­ის პო­ლი­ცი­ამ, ლიტ­ვი­ნენ­კოს დახ­მა­რე­ბით და­ა­კა­ვა ტა­რი­ე­ლის ბიზ­ნეს­პარტნი­ო­რე­ბი, რის გა­მოც ონი­ა­ნის ბიზ­ნე­სი იტა­ლი­ა­შიც ჩა­ვარ­და, ხოლო მისი მე­გო­ბა­რი, ვინ­მე ალექ­სან­დრ ტა­ლი­კი და­ჭე­რას ძლივს გა­და­ურ­ჩა. იტა­ლი­ის პო­ლი­ცი­ას ხელთ ჩა­უ­ვარ­და ტა­ლი­კი­სა და უც­ნო­ბი პი­რის სა­ტე­ლე­ფო­ნო სა­უ­ბა­რი: "იმ გა­რე­წარ­მა ლიტ­ვი­ნენ­კომ ბრა­ლი დამ­დო, რომ უკ­რა­ი­ნი­დან ია­რაღს მე ვყი­დი. ჩვე­ნებს ვთხო­ვე, გა­ი­გონ მისი მი­სა­მარ­თი ლონ­დონ­ში და საქ­მეს მი­ხე­დონ."

თუ ევ­რო­პა­ში ლიტ­ვი­ნენ­კოს მკვლე­ლო­ბა დე­მოკ­რა­ტი­ის სა­წი­ნა­აღ­მდე­გო აქ­ცი­ად მი­იჩ­ნი­ეს, იტა­ლი­ა­ში ეს არა­ვის გაჰ­კვირ­ვე­ბია. "მა­ფი­ის ხელი ყვე­ლას მის­წვდე­ბა", - ამ­ბობ­დნენ მას­ზე რომ­ში. ეს­პა­ნე­თის პო­ლი­ცია დღემ­დე ლიტ­ვი­ნენ­კოს საქ­მე­ში ერთ-ერთ მნიშ­ვნე­ლო­ვან ფი­გუ­რად ონი­ანს მი­იჩ­ნევს, ორი­ო­დე კვი­რის წინ ეს­პა­ნელ­მა სა­მართAლდამ­ცა­ვებ­მა ტა­რი­ელ ონი­ა­ნი ამ სა­კი­თხთან და­კავ­ში­რე­ბით დაჰ­კი­თხეს.

2011 წლის 10 აპ­რილს ლიტ­ვი­ნენ­კოს ქვრივ­მა, მა­რი­ნა ლიტ­ვი­ნენ­კომ გა­ნა­ცხა­და, რომ მას ხელთ ჩა­უ­ვარ­და დო­კუ­მენ­ტე­ბი, სა­დაც დას­ტურ­დე­ბა, რომ მისი მე­უღ­ლის სიკ­ვდი­ლამ­დე ერთი თვით ადრე ФСБ-მ "პო­ლო­ნი­უ­მი" "რო­სა­ტო­მი­სა­გან" შე­ი­ძი­ნა, რო­მე­ლიც 2006 წლის 21 აგ­ვის­ტოს, დი­ლით, ბა­ლა­კოვ­სკის ბირ­თვუ­ლი ელექტროს­დგუ­რის ტე­რი­ტო­რი­ა­ზე, სპე­ცი­ა­ლუ­რად მივ­ლი­ნე­ბულ ФСБ-ს თა­ნამ­შრომ­ლებს კონ­ტე­ი­ნე­რით გა­დას­ცეს. რუ­სე­თი კვლავ უარ­ყოფს ბრალ­დე­ბებს და ეს­პა­ნურ ვერ­სი­ას, ქარ­თუ­ლი კვა­ლის შე­სა­ხებ, სარ­წმუ­ნოდ მი­იჩ­ნევს. რუ­სე­თის პრო­კუ­რა­ტუ­რის თა­ნამ­შრომ­ლებ­მა ტა­რი­ელ ონი­ანს კო­ლო­ნი­ა­ში რამ­დენ­ჯერ­მე მი­ა­კი­თხეს. რო­გორც ამ­ბო­ბენ, სა­უ­ბა­რი ლიტ­ვი­ნენ­კოს მკვლე­ლო­ბას ეხე­ბო­და.

"პო­ლო­ნი­უ­მი" კი­უ­რებ­მა აღ­მო­ა­ჩი­ნეს

"პო­ლო­ნი­უ­მი" იშ­ვი­ა­თი რა­დი­ა­ცი­უ­ლი ნივ­თი­ე­რე­ბაა, რო­მე­ლიც 1898 წელს ცოლ-ქმარ­მა კი­უ­რებ­მა აღ­მო­ა­ჩი­ნეს. მა­რია კი­უ­რი სწო­რედ მისი დას­ხი­ვე­ბით გარ­და­იც­ვა­ლა. იგი გან­სა­კუთ­რე­ბით შხა­მი­ან ნივ­თი­ე­რე­ბას წარ­მო­ად­გენს. ორ­გა­ნიზ­მში მოხ­ვედ­რი­სას მკვეთ­რად იც­ვლე­ბა სის­ხლის შე­მად­გენ­ლო­ბა, ირ­ღვე­ვა ღვიძ­ლი­სა და თირკმლე­ბის ფუნ­ქცი­ე­ბი, მო­წამ­ვლა მტან­ჯვე­ლი სიკ­ვდი­ლით მთავ­რდე­ბა.

ნინო ბურ­ჭუ­ლა­ძე

ყო­ველკ­ვი­რე­უ­ლი გა­ზე­თი "კვი­რის პა­ლიტ­რა"

(გა­მო­დის ორ­შა­ბა­თო­ბით)

გა­ა­კე­თეთ კო­მენ­ტა­რი "კვი­რის პა­ლიტ­რის" სა­იტ­ზე