ე.წ. აგენტების კანონის კიდევ ერთი მავნე შედეგი რუსეთში: პუტინის რეჟიმი "უცხოური აგენტების“ რეესტრში შეყვანილ პირებს არჩევნებში მონაწილეობას უკრძალავს
რუსეთის დუმამ კანონში ცვლილებები მიიღო, რომლითაც "უცხოელ აგენტებად“ გამოცხადებულ პირებს არჩევნებში კანდიდატად მონაწილეობა ეკრძალებათ
რუსეთის დუმამ "საარჩევნო უფლებების ძირითადი გარანტიების შესახებ“ კანონში ცვლილებები შეიტანა, რომელიც უცხოელ აგენტებად გამოცხადებულ პირებს არჩევნებში კანდიდატად მონაწილეობას უკრძალავს, - ამის შესახებ ინფორმაციას რუსული სახელმწიფო საინფორმაციო სააგენტო TASS-ი ავრცელებს.
რუსეთის ფედერაციის სახელმწიფო დუმამ პლენარულ სხდომაზე კანონში "საარჩევნო უფლებების ძირითადი გარანტიების შესახებ“ ცვლილებები მეორე და მესამე მოსმენით დაამტკიცა. კანონის მიხედვით, უცხოელი აგენტის სტატუსის მქონე პირებს კანდიდატად დარეგისტრირება არჩევნების ყველა დონეზე ეკრძალებათ.
ცვლილებების მიხედვით, "უცხოური აგენტების“ რეესტრში შეყვანილი პირები, ასევე ექსტრემისტული ან ტერორისტული ორგანიზაციის საქმიანობაში ჩართული პირები კანდიდატები ან არჩევნების დამკვირვებლები ვერ იქნებიან.
კანონში ცვლილებების შეტანას მხარი 450-დან 409 დეპუტატმა დაუჭირა.