"ვდგავარ იმ ახალგაზრდების გვერდით, ვერანაირად გამართლდება მშვიდობიან მომიტინგეებზე თავდასხმა, არა ყველაფერს რაც საქართველოს რუსეთისკენ მიაქანებს" - ბუდუ ზივზივაძე

საქართველოს ეროვნული საფეხბურთო ნაკრების წევრი ბუდუ ზივზივაძე ქვეყანაში მიმდინარე მოვლენებთან დაკავშირებით მორიგ პოსტს აქვეყნებს. ზივზივაძე მხარდაჭერას უცხადებს აქციის მონაწილეებს.

"ძალიან სამწუხაროა რომ სპორტსმენს კონკრეტულად კი ფეხბურთელს უკვე მეორედ მიწევს დავაფიქსირო აზრი ქვეყანაში მიმდინარე მოვლენებზე და არ მიწევს ფეხბურთზე ფიქრი და ევროპის ჩემპიონატისთვის მომზადება რომ ჩემი ქვეყანა ვასახელო დიდ საფეხბურთო ფორუმზე, მაგრამ როგორც რიგითი საქართველოს მოქალაქე თავს ვალდებულად ვთვლი რომ კვლავ გავიმეორო:

არა რუსეთს და არა ყველაფერს რაც საქართველოს რუსეთისკენ მიაქანებს.

საქართველოს გზა ევროპაშია. ვდგავარ იმ ახალგაზრდების გვერდით ვინც თავიანთ ჯანმრთელობას საფრთხის ქვეშ აყენებენ საქართველოს მომავლისთვის.

ვერანაირად გამართლდება მშვიდობიან მომიტინგეებზე თავდასხმა.

პ.ს მსურს რომ საქართველო ყოველთვის ისეთი ერთიანი და ბედნიერი იყოს როგორც 26 მარტის ღამეს იყო.

მე ვარ საქართველო", - წერს ბუდუ ზივზივაძე.

• ნახეთ ასევე:
• "მიჭირს და რთულია ვუყურო, როგორ უპირისპირდებიან ჩემს თანამოქალაქეებს, არაფერი არ დგას ჩვენს ხალხზე მაღლა, გაიწვიეთ ეს კანონი" - გიორგი ჩაკვეტაძე
• "არაფერია იმაზე მნიშვნელოვანი, ვიდრე ქვეყანა, არცერთი ჩემპიონატი და არც ერთი სპორტული ღონისძიება" - რას წერს გიორგი ქოჩორაშვილი