„ბიბლუსის“ კამპანია „აჩუქე წიგნი“ უკვე აქტიურ ფაზაშია. დაგეგმილი ღონისძიებების გარდა, კამპანიას უკვე ბევრი ადამიანი შეუერთდა.
აპრილი წიგნის ჩუქების თვეა, რაც არაჩვეულებრივი მიზეზია, გაახაროთ საყვარელი ადამიანები ყველაზე ძვირფასი საჩუქრით - წიგნით. წიგნის შერჩევა კი თავის მხრივ, საკმაოდ საპასუხისმგებლო ამოცანაა.
ქართველი მწერალი და პოეტი, ლუკა ბაქანიძე გვირჩევს 10 წიგნს, რომელიც შესანიშნავი და განსაკუთრებული საჩუქარი იქნება მათთვის, ვისაც კითხვა უყვარს და ლიტერატურის ყოვლისმომცველი სამყარო იზიდავს.
გამორჩეული ხელწერის ძალიან საინტერესო პოეტი. ყველას ვურჩევ ამ წიგნით მის პოეზიას გაეცნოს.
ჩემი აზრით, საქართველოში ერთ-ერთი საუკეთესო პროზაიკოსის ძალიან კარგი წიგნია.
ეს ახალგაზრდა ავტორის, ცოტნე ავსაჯანიშვილის სადებიუტო წიგნია, სადაც უკვე მოჩანს მომავალი ძლიერი ავტორი. სხვათა შორის, ცოტნეს მოთხრობების კრებული „ერთი ტანკიც სავკასათვის“ ამჟამად ლიტ-კონკურს „საბაზეა წარდგენილი და ძალიან ვგულშემატკივრობ.
თანამედროვე ავტორის, დელია ოუენსის რომანი, რომელიც ახლახან წავიკითხე და ძლიერი შთაბეჭდილება მოახდინა.
უილიამ ფოლკნერის შედევრი, და მედეა ზაალიშვილის ბრწყინვალე თარგმანი.
ჩემი საყვარელი ავტორის, ჯონ აპდაიკის ე.წ. „კურდღლის“ ოთხ სერიანი რომანის პირველი წიგნი. ასევე დანარჩენი სამიც „ბაჭია დაბრუნდა“ „ბაჭია გამდიდრდა“, „ბაჭია ისვენებს.“
ლიტერატურული წერილების კრებული მალხაზ ხარბედიას ავტორობით, ჩემი აზრით, ძალიან მნიშვნელოვანი წიგნია, როგორც მკითხველისთვის, ასევე, მწერლის პროფესიისთვის.
რაინერ მარია რილკეს, ჩემთვის უპირველესი პოეტის ლექსების კრებული, ზვიად რატიანის დიდებული თარგმანი.
რეი ბრედბერი, ავტორი, რომელმაც ფასდაუდებელი სამსახური გაუწია ლიტერატურაში ჩემი საყვარელი ჟანრის, ფანტასტიკის პოპულარიზაციას და ზოგიერთი მისი ნაწარმოებით დაამტკიცა, რომ ამ ჟანრშიც შეიძლება დაიწეროს შედევრი, თუმცა „ბაბუაწვერას ღვინოში“ ნაკლებად გვხვდება საი-ფაის ელემენტები.
ჩემთვის უძვირფასესი მწერალი, რომლის მოთხრობებიც, და განსაკუთრებით ზოგიერთი მათგანი, ახდენდა და ახლაც ახდენს ჩემზე დიდ გავლენას.
#აჩუქეწიგნი