16
ივნისიდღის ზოგადი ასტროლოგიური პროგნოზი
Elite Model Look-ი მსოფლიოში ყველაზე პრესტიჟული პროფესიული საერთაშორისო სამოდელო კონკურსია, რომელიც საქართველოში უკვე მეთხუთმეტედ წარმატებით ჩატარდა, კომპანია ელიტის ექსკლუზიური წარმომადგენლის, სამოდელო სააგენტო “IC Model Management”-ის მიერ. კონკურსი მიზნად ისახავს გოგონებსა და ვაჟებს შორის ახალი სახეების აღმოჩენას და მათ საერთაშორისო ასპარეზზე გაყვანას.
უკვე ოთხი ათწლეულის განმავლობაში, Elite Model Look-ი ახალი ვარსკვლავების აღმოჩენის ავანგარდში რჩება. იგი ათასობით ახალგაზრდას მთელი მსოფლიოდან სთავაზობს, ოცნებები რეალობად აქციონ და მოდის ისეთი ვარსკვლავების კვალს მიჰყვნენ, როგორებიც არიან: სინდი კროუფორდი, ჟიზელ ბუნდჰენი, სტეფანი სეიმური, ვიტორია სერეტი, მონა ტუგარდი, ფეი ფეი სან, მაიოვა ნიკოლასი, ბირგიტ კოსი, მინგ ქსი, ვალერია ბულდინი, ნინა მარკერი, მეთიუ ბელი, დევიდსონ ობენებო და სხვები.
“Elite Model Look”-ის უნიკალურობა იმაში მდგომარეობს, რომ იგი დამწყებ მოდელებს საშუალებას აძლევს, უმოკლესი გზით მიაღწიონ წარმატებას, გახდნენ პროფესიონალები და დაიწყონ შთამბეჭდავი საერთაშორისო სამოდელო კარიერა. კონკურსში ყოველწლიურად 70 ქვეყნიდან 350 000-ამდე კონკურსანტი იღებს მონაწილეობას. მე-40, საიუბილეო მსოფლიო ფინალზე გამარჯვებულებს ელით სამოდელო კონტრაქტი სააგენტო Elite Model Management-თან და აქტიური საერთაშორისო სამოდელო კარიერა.
Elite Model Look Georgia 2023-ში ონლაინ რეგისტრაციის მეშვეობით მონაწილეობა მიიღო 1000-ზე მეტმა კანდიდატმა და მათგან შეირჩა19 გოგონა და 4 ვაჟი კონკურსანტი, რომლებიც იბრძოდნენ გამარჯვებულის ტიტულის მოსაპოვებლად. 6 დეკემბერს, სასტუმროში "თბილისი ფილარმონია მერკურისაგან“ "Elite Model Look Georgia 2023"-ის ფინალური ღონისძიება ჩატარდა, რომელშიც პირდაპირი ჩართვის მეშვეობით, საერთაშორისო სამოდელო კონკურსის ELITE MODEL LOOK WORLD-ის ხელმძღვანელმა ქალბატონმა ჯენიფერ მეიმ და ELITE MODEL LOOK Georgia-ს ორგანიზატორმა ქალბატონმა ია კიწმარიშვილმა, გამარჯვებული გოგონა და ვაჟი დაასახელეს, რომლებიც საქართველოს სახელით მსოფლიო ფინალზე გაემგზავრებიან.
მე-15-ე საიუბილეო კონკურსის Elite Model Look Georgia 2023-ის გამარჯვებულები გახდნენ:
17 წლის დიანა ჯინჭარაძე და 18 წლის საბა ცქვიტიშვილი.
დიანა და საბა 2024 წლის დასაწყისში წარადგენენ ჩვენს ქვეყანას მე-40 საიუბილეო მსოფლიო ფინალის ღონისძიებაზე ELITE MODEL LOOK WORLD FINAL.
მართლა კაით რა