"შესანიშნავი ბიჭი და განსაკუთრებული ფეხბურთელია, არავის აქვს მისი გაკრიტიკების უფლება" - დი ლორენცომ კვარაცხელია დაიცვა
ბოლო დროს "ნაპოლის" ქართველ შემტევს, ხვიჩა კვარაცხელიას ზოგიერთი აკრიტიკებს და ამბობენ, რომ ის ვეღარ თამაშობს ისე, როგორც გასულ სეზონში. გუშინ "ნაპოლი" ჩემპიონთა ლიგაზე "ბრაგას" დაუპირისპირდა და 2-ბურთიანი უპირატესობით დაამარცხა. კვარაცხელიას მართალია, გოლი არ გაუტანია, მაგრამ კარგად ითამაშა. მიუხედავად ამისა, ზოგიერთისგან კრიტიკა მაინც დაიმსახურა.
გუნდის კაპიტანმა ჯოვანი დი ლორენცომ ამ თემაზე კომენტარი გააკეთა და ხვიჩა კვარაცხელია დაიცვა:
"არავინ არ უნდა მისცეს თავს კვარაცხელიას გაკრიტიკების უფლება. ნახეთ რას აკეთებს და რა გააკეთა გასულ სეზონში.
ახლა ხალხი მას საგოლე მომენტების მიხედვით აფასებს, მაგრამ თუ ხედავთ, რასაც თამაშისას აკეთებს - ეს ჩვენთვის ძალიან მნიშვნელოვანია. სამუდამოდ გასათავისუფლებლად მხოლოდ გოლი აკლია.
ის შესანიშნავი ბიჭი და განსაკუთრებული ფეხბურთელია, არავის აქვს მისი კრიტიკის უფლება", - თქვა დი ლორენცომ.