თბილისში აფრიკელ სტუდენტებს ფიზიკურად გაუსწორდნენ - რას ამბობს შსს ვიდეოზე, რომელმაც საზოგადოება აღაშფოთა

თბილისში, ბელიაშვილის ქუჩაზე მომხდარ ფაქტზე შინაგან საქმეთა სამინისტრომ გამოძიება დაიწყო. როგორც Ambebi.ge-ს უწყების პრესსამსამსახურში განუცხადეს, მომხდართან დაკავშირებით გამოძიება სსკ-ის 126-ე, ძალადობის მუხლით მიმდინარეობს.

გუშინ, აფრიკელმა სტუდენტმა ბენ ზეგემ სოციალურ ქსელში, ბელიაშვილის ქუჩაზე გადაღებული ვიდეო გაავრცელა, სადაც ჩანს, რომ მათ ქართველი მამაკაცები ფიზიკურ და სიტყვიერ შეურაცხყოფას აყენებენ. როგორც ის წერს, ფეხბურთს თამაშობდნენ, როდესაც მათთან ქართველები მვიდნენ და სტადიონის დატოვება სთხოვეს. ნიგერიული სტუდენტი მომხდარს რასიზმს უკავშირებს და ამბობს, რომ ეს "მათი კანის ფერის გამო მოხდა".

ნახეთ ვიდეო

მისივე თქმით, კადრები, სადაც მომხდარი ფაქტია ასახული პოლიციას აჩვენეს, თუმცა სამართალდამცველებმა მათ "ფაქტის დავიწყება ურჩიეს". ბენ ზეგეს ინფორმაციითვე, მას შემდეგ რაც სოციალურ ქსელში ვიდეო გამოაქვეყნა, ქართველი ახალგაზრდებისგან მუქარის შემცველი მესიჯებიც მიიღო.