"დედით ქართველი და მამით სომეხი სერგეი ლავროვი" - რას წერდა რუსული მედია საგარეო უწყების ხელმძღვანელზე?
უკრაინის წინააღმდეგ ომის დაწყების გამო რუსეთისთვის დაწესებული უპრეცედენტო საერთაშორისო სანქციების შედეგად, რუსული ბიზნესი მილიარდობით დოლარს კარგავს. გაუფასურდა ქვეყნის ეროვნული ვალუტა, რუბლი. რუსეთის წინააღმდეგ ამოქმედებული სანქციების ნუსხა საკმაოდ დიდია და უკვე სანქციებმა ამოქმედებაც დაიწყო.
სანქციები ყველაზე მეტად რუსეთის პირველ პირებს შეეხოთ. რუსეთის პრეზიდენტთან ერთად ევროკავშირმა მის ტერიტორიაზე არსებული აქტივები გაუყინა საგარეო საქმეთა მინისტრ სერგეი ლავროვისაც. რუსი დიპლომატი ამბობს, რომ სანქციებისთვის მზად იყო.
ლავროვი ერთ-ერთია იმ რუსი მაღალჩინოსნებიდან, რომლებიც დასავლეთის “გარყვნილებაზე” საუბრობენ და ამავე დროს შვილებისა და ოჯახის წევრებისთვის განათლების მისაღებად, სამოგზაუროდ თუ საცხოვრებლად, სწორედ ევროპის ქვეყნებსა და ამერიკის შეერთებულ შტატებს ირჩევენ.
4 წლის წინ რუსული მედია აქტიურად წერდა ლავროვის თანამდებობიდან წასვლისა და პენსიაში გასვლის შესახებ, თუმცა მაშინ ეს ინფორმაცია მაშინ არ დადასტურდა.
ვინ არის სერგეი ლავროვი - რას წერდა 3 წლის წინ მედია?
რუსული მედიის ცნობით, მას ძალიან უყვარს სპორტი და თევზაობა. თავისუფალ დროს ლექსებსაც წერს და პოლიტიკურ ანეგდოტებსაც ინიშნავს, რომლის მოყოლაც ძალიან უყვარს. ასე რომ, ნომერ პირველ რუს დიპლომატს, შესაძლოა, მემუარების დაწერის დროც გამოუჩნდეს.
რაც შეეხება სერგეი ლავროვის "დედულეთთან" ურთიერთობას, 2016 წელს ახალგაზრდულ ფორუმზე მან განაცხადა, რომ საქართველო ძალიან უყვარს და ჩამოსვლა სურს, თუმცა სტატუსის გამო ამას ვერ ახერხებს...
"ჩვენ დღეს საქართველოში საელჩო არ გვაქვს, ამის მიზეზი კი ის არის, რომ საააკაშვილმა ორ ქვეყანას შორის დიპლომატიური ურთერთობები გაწყვიტა... ინტერესების სექცია კი შვეიცარიამ გახსნა. ყველას ესმის, არავინ და არსად წასულა. უბრალოდ, შენობაზე აბრა გამოიცვალა... ძალიან ბევრი მეგობარი მყავს, რომლებიც საქართველოში ჩადიან და მჯერა, რომ ამ პრობლემას მოვაგვარებთ" - განაცხადა მან.
რუსული მედიის ცნობით, ლავროვი პენსიაზე გასვლის შემდეგ "დედულუთში" მოგზაურობასაც არ გამორიცხავდა. ის 4 წლის წინ, აპრილში მისი ქვეყნის მიერ ოკუპირებულ აფხაზეთში ჩავიდა და სოხუმელებისთვის საყვარელ "ბრეხალოვკაზე" აფხაზებთან ერთად ყავაც დალია.
რუსეთის მიერ აფხაზეთის "დამოუკიდებლობის" აღიარების შემდეგ ლავროვი აფხაზეთში მესამედ ჩავიდა. პირველად, აფხაზეთის აღიარებიდან რამდენიმე დღეში, 15 სექტემბერს, ის აფხაზეთს სამოქალაქო ლაინერით ეწვია. ის იყო სხვა ქვეყნის პირველი მაღალჩინოსანი, ვინც ოკუპირებულ რეგიონში არასამხედრო საფრენი აპარატით ჩაფრინდა.
მეორედ რუსი დიპლომატი აფხაზეთში, 2011 წლის 26 აპრილს ჩავიდა, როდესაც მოსკოვმა და სოხუმმა უვიზო მიმოსვლის შესახებ ნოტები გაცვალეს. მან იმ დროს ე.წ. აფხაზეთის "ხელმძღვანელობის" ტერიტორიაზე მყოფი რუსი სამხედროებისთვის, როგორც გაწვეულებისთვის, ასევე, საკონტრაქტო სამსახურით მყოფებისთვის, განსაკუთრებული რეჟიმის დამყარების შესახებ შეთანხმებას ხელი მოაწერა.
მესამედ, რუსეთის ნომერ პირველი დიპლომატი, სოხუმში რუსეთის ფედერაციის საელჩოს ახალი კომპლექსის გახსნაზე დასასწრებად ჩაფრინდა. ასე რომ, სერგეი ლავროვს, საქართველოს მიმართ "დიპლომატიური ჟესტის" გამოჩენა არასდროს უჭირდა და შესაბამისად, ისიც ეცოდინება, როგორ ელოდებიან "დედულეთში".