მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"5 ლარი წამოვიღე მხოლოდ..." - რა დაკარგეს მოვაჭრეებმა ძლიერი ხანძრის შედეგად
11:39 / 27-02-2018
66 წლის დარო მამულაშვილი ერთ-ერთია იმ მოვაჭრეებს შორის, რომელთაც სავაჭრო ცენტრ "ქალაქის გულში" და "თერგში" სავაჭრო დახლები ჰქონდათ და თითქმის ყველაფერი გაუნადგურდათ.
შუახნის ქალის თქმით, მას დაახლოებით 20 000 ლარის საქონელი ჰქონდა, რომელიც სავარაუდოდ მთლიანად გაანადგურა ძლიერმა ხანძარმა:
"ტკბილეული, "ბანბანერკები", რაც საკონდიტროში შედის, ყველაფერი მქონდა... 15-20 ათას ლარამდე საქონელი მეწყო, ნავაჭრი ფულიც იქ მქონდა. 5 ლარი წამოვიღე მხოლოდ... ყველაფერი იქ მქონდა, რა ვიცოდი თუ ასე მოხდებოდა?! გადასახადის ასაღებად ჩქარა მორბოდნენ, რომ თანხა აეკრიფათ და ახლა კაციშვილი არ მოსულა, არ უკითხავს, აბა რა გჭირთ, რა მოგივიდათო. თუ რამე მიშრომია ამ წლების მანძილზე, ყველაფერი დავკარგე... რის გამო მოხდა, არაფერი ვიცი, ჩვენ ვინ გვეტყვის მაგას?" - ამბობს დარო მამულაშვილი.
კიდევ ერთი მოვაჭრის, ხათუნა ხვედელიძის თქმით, ჯერჯერობით დაზუსტებით არ იციან, რა სახის ზარალი მიადგათ.
"ნეტა ის მაინც გაიგო ამ ბაზრის დირექციამ, რომ დაიწვა ეს ხალხი და გაუბედურდა? კაციშვილი არ მოსულა ჯერ... მე ვმუშაობდი საკონდიტრო საქონელზე, ახალი გადასული ვარ იმ მაღაზიაში და თუ რამე მებადა სახლ-კარის გარდა, ყველაფერი მედო იმ მაღაზიაში... ძვირიანი ტკბილეული, შოკოლადები, საღეჭი რეზინები მქონდა... თვიდან-თვემდე შემოჰქონდა დისტრიბუტორს ჩემთვის საქონელი და ამ თვის ბოლოს გასასტუმრებელი თანხაც მაქვს. ამ ბაზრობას რომ უყურებთ, 1% არ არის ისეთი ადამიანი, რომელსაც არ ჰქონდეს ბანკის ვალი", - გვითხრა ხათუნა ხვედელიძემ.
სავაჭრო ცენტრ "ქალაქის გულში" და "თერგში" მომუშავე პირების ინფორმაციით, შენობაში ღამით დაცვა მორიგეობდა, ასევე უსაფრთხოების მიზნით ითიშებოდა ელექტროენერგია. ობიექტში მომუშავე პირებს უჭირთ საუბარი, რა გახდა ხანძრის გამომწვევი მიზეზი. ისინი აღნიშნავენ, რომ ტერიტორიით დაინტერესება კონკრეტულმა პირებმა არაერთხელ გამოთქვეს, თუმცა ტერიტორია არ გასხვისდა.
ამ დრომდე ობიექტებში მომუშავე პირებს არ ეძლევათ საშუალება, შევიდნენ და ნახონ საკუთარი პროდუქცია, რადგან ტერიტორიაზე კვლავ ძლიერი დაკვამლიანებაა.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
