ოლიმპიური ცეცხლი საბერძნეთიდან საფრანგეთისკენ მე-19 საუკუნის გემით "მიემგზავრება" - ათენში ცეცხლის გადაცემის ცერემონიალი გაიმართა (ფოტოები)
2024 წლის ოლიმპიური თამაშები, როგორც ვიცით, საფრანგეთში იმართება და მისი გახსნა 26 ივლისს არის დაგეგმილი. საზაფხულო თამაშები 15 დღეს გასტანს და 11 აგვისტოს დასრულდება.
- ოლიმპიური ცეცხლი საბერძნეთმა ფრანგ ორგანიზატორებს გუშინ ათენში, პანათინაიკოსის ისტორიულ სტადიონზე გადასცა, სადაც XIX საუკუნის ბოლოს გაიმართა პირველი თანამედროვე ოლიმპიური თამაშები. ამის შემდეგ ცეცხლი სპეციალურ სანათში მოათავსეს და მე-19 საუკუნის გემით მარსელისკენ გაამგზავრეს.
- ოლიმპიური ცეცხლი წელს 16 აპრილს სამხრეთ საბერძნეთში, ოლიმპიაში აინთო, ადგილზე, სადაც უძველესი თამაშები 1000 წელზე მეტი ხნის წინ ტარდებოდა.
2024 წლის ოლიმპიური ცეცხლი საფრანგეთში მე-19 საუკუნის გემით, სახელად Belem-ით ჩავა. ის ხმელთაშუა ზღვაში 12 დღე იცურებს და საფრანგეთში, მარსელის პორტში 8 მაისს მივა. ამის შემდეგ ჩირაღდანი საფრანგეთის ტერიტორიებს მოივლის და საბოლოოდ, ის 26 ივლისს, ცერემონიის გახსნისთვის სტად დე ფრანსის ეროვნულ სტადიონზე აინთება.
წყარო: euronews
მოამზადა: ანა სიბოშვილმა